काठमाडौं । नेपाली कांग्रेसका प्रवक्ता देवराज चालिसेले १५ औं महाधिवेशनमा उपसभापतिमा उम्मेदवारी दिने घोषणा गरेका छन् ।
प्रवक्ता चालिसेले खुला मञ्चमा केही पत्रकारहरूसँग कुराकानी गर्दै आफूले उपसभापतिमा उम्मेदवारी दिने बताएका हुन् ।
चालिसेले आफू १४ औं महाधिवेशनमा सहमहामन्त्रीको उम्मेदवार बनेको र विशेष महाधिवेशनपछि प्रवक्ताको जिम्मेवारी सम्हालिसकेकाले अब उपसभापतिमा उम्मेदवार बन्ने बताए ।
‘मैले उपसभापतिमा उम्मेदवारी दिने हो,’ उनले भने, ‘प्रवक्ता भइसकेपछि उपसभापति हुने मेरो चाहना छ । महाधिवेशन प्रतिनिधिहरूले मेरो चाहना पूरा गरिदिनुहुनेछ भने मेरो विश्वास छ ।’
